होन्डा मोटरसाइकलले भारतमा ‘२०२२ गोल्ड विङ टुर’ बाइक लन्च गरेको छ । कम्पनीले यसको भारतीय मूल्य ३९.२० राखेको छ । बाइकमा एयरब्यागसहित अन्य थुप्रै लक्जरी सेवाका साथै सडकहरूमा सवारीको उत्कृष्ट अनुभव प्रदान गर्ने कम्पनीले जनाएको छ ।
गोल्ड विङ टुरमा उपलब्ध रहेको १८३३ सीसी लिक्विड कूल्ड ४-स्ट्रोक २४-भल्भ एसओएचसी फ्ल्याट-६ इन्जिनले ५,५०० आरपीएममा ९३ किलोवाट पीक पावर र ४,५०० आरपीएममा १७० एनएम पीक टर्क उत्पादन गर्दछ । यसमा डुअल कम्बाइन्ड ब्रेक सिस्टम सहित ४ राइडर मोड (टूर, स्पोर्ट, इकोन र रेन) उपलब्ध रहेको छ ।
यसमा रहेको डुअल क्लच ट्रान्समिसनले गियरहरू बदल्न, गति बदल्न धेरै सजिलो हने गर्छ र हरेक राइड मोडमा डाउनशिफ्टको आरपीएम रेन्ज राम्रो बनाउने गर्छ । यो बाइकमा दुई क्लच समावेश गरिएको छ ।
यसको राइडर सिट एकदमै आरामदायि रहेका छन् । यसमा डबल एलईडी फग लाइटहरू, फुल एलईडी लाइटिंग, दुबै छेउमा अप्टिकल लेन्सहरू प्रयोग गरिएका छन् ।
कम्पनीले ग्राहकलाई थप लक्जरी सेवा प्रदान गर्न गोल्ड विङ टुर एप्पल कार प्ले र एन्ड्रोइड अटो समावेश गरेको छ ।
