वाग्मती प्रदेश सरकारले यात्रुवाहक ट्याक्सी सेवाको गुणस्तर, संचालन तथा व्यवस्थापन सम्बन्धी मापदण्ड २०७८ जारी गरेको छ । जसअन्तर्गत अब दुई खाले ट्याक्सी संचालनमा आउने भएका छन् । प्रदेश सरकारले साधरण र डिलक्स ट्याक्सीको मापदण्ड तोकेको छ ।
प्रदेश जारी गरेको मापदण्ड अुनसार डिलक्स ट्याक्सीमा ५ देखि ७ सिट क्षमता हुनु पर्छ भने साधारण ट्याक्सीमा ५ सिट क्षमता हुनु पर्दछ । यसका साथै सर्वसाधरणले २० वर्ष पुरानो ट्याक्सी परिवर्तन गर्दा अनिवार्य विद्युतीय ट्याक्सी लिनु पर्दछ ।
ट्याक्सीका लागि सेडान कार हुनुपर्ने अनिवार्य गरेको छ जसमा २०० लिटर माथिको बुट स्पेश, कम्तीमा ३० किलोवाट क्षमताको मोटर र २० किलोवाट आवरको लिथियम आयोन ब्याट्री हुनु पर्ने उल्लेख छ । ट्याक्सीको न्यूनतम रेन्ज २१० किलोमिटर हाराहारी हुनु पर्ने उल्लेख छ ।
