साउथ फिल्मका सुपरस्टार महेश बाबुले अडिको इलेक्ट्रिक एसयुभी ‘ई-ट्रोन’ खरिद गरेका छन् । महेश बाबुले आफ्नो सामाजीक संजालमा उक्त गाडीको फोटो सेयर गर्दै सार्वजनिक गरेका हुन् । यो गाडीको भारतीय मूल्य करिब १ करोड १४ लाख रुपैयाँ रहेको छ ।
गाडी फुल चार्जमा ४८४ किलोमिटरसम्म चल्न सक्ने कम्पनीले जनाएको छ । यो इलेक्ट्रिक कारमा ९५ किलो वाट आवर ब्याट्री प्याक र डुअल मोटर सेटअप रहेको छ जसले ४०२ बिएचपी र ६६४ एनएम पीक टर्क उत्पादन गर्छ ।
यो गाडी अल-ह्विल ड्राइभ प्रणालीमा आधारित रहेको छ । यसमा ५.७ सेकेन्डमा ०-१०० किमी प्रतिघण्टाको गति बढाउन सक्ने क्षेमता रहेको छ । कारलाई ५० किलोवाटको फास्ट चार्जरबाट २ घण्टाभन्दा कम समयमा ०-८० प्रतिशत सम्म चार्ज गर्न सकिने छ । गाडीमा उपलब्ध ११ किलोवाटको एसी चार्जरले ८.५ घण्टामा ०-८० प्रतिशत सम्म चार्ज गर्न सकिने छ ।
यो इलेक्ट्रिक एसयूभीमा धेरै लक्जरी सुविधाहरू रहेका छन् । यसमा ३६० डिग्री पार्किङ क्यामेरा, थ्रीडी प्रिमियम साउन्ड सिस्टम, डाइनामिक लाइट स्टेजिङसहितको डिजिटल म्याट्रिक्स एलईडी हेडल्याम्प, हेडअप डिस्प्ले र प्यानोरामिक सनरुफ समावेश छन्।
