मारुतीले आज भारतमा ‘अर्टिगा एमभीपी’ को अपडेटेड भर्जन लन्च गर्दै छ । योसँगै कम्पनीले यो वर्ष मात्र ३ वटा गाडी लन्च गरेको हो । यो गाडी ४ भेरियन्टमा बिक्रि हुने कम्पनीले जनाएको छ । भारतमा यसको भारतीय मूल्य मूल्य ८.१२ लाख देखि १०.८५ लाख हुने अनुमान गरिएको छ ।
कम्पनीले ‘अर्टिगा एमभीपी’ लाई ६ वटा रंगमा (स्प्लेन्डिड सिल्भर, म्याग्मा ग्रे, पर्ल मेटालिक आर्कटिक ह्वाइट, प्राइम अक्सफोर्ड ब्लू र पर्ल मेटालिक डिग्निटी ब्राउन) उपलब्ध गराएको छ ।
ग्राहकले नयाँ मारुती अर्टिगाको लुकमा केही अपडेटहरू देख्नेछन् । यसमा नयाँ ग्रिल र नयाँ मिश्र धातुका पाङ्ग्राहरू जोडिएको छ । यसमा अपडेटेड ७ इन्चको टचस्क्रिन इन्फोटेनमेन्ट प्रणाली, कनेक्टेड कार टेक (टेलिम्याटिक्स), क्रुज कन्ट्रोल र चारवटा एयरब्यागहरू समावेश गरिएको छ ।
यसमा विशेष प्रकारको परिवर्तन इन्जिन रहेको छ । यसमा माइल्ड हाइब्रिड टेक्नोलोजी भएको १.५ लिटर पेट्रोल इन्जिनको लेटेस्ट एडिशन दिईएको छ । इन्जिनलाई अघिल्लो ५ स्पीड म्यानुअल ट्रान्समिसन र ४ स्पीड टर्क कन्भर्टरको स्थानमा प्याडल सिफ्टरसहितको नयाँ ६ स्पीड एटीसँग मिलाइएको छ ।
नेपालमा हाल मारुती अर्टिगाको ३ भेरियन्ट उपलब्ध रहेका छन् । उक्त भेरियन्टहरुका मूल्य यस प्रकारका रहेका छन् । VXi (रु. 38,99,000), ZXi (रु. 41,99,000), र ZXi+ (रु. 44,99,000)
