इटालीका मोटोले आफ्ना स्कुटर र मोटरसाइकलको मूल्य बढाएको छ । इटालीकाको नेपालका लागि आधिकारिक वितरक क्लासिक ह्वील इम्पोर्ट तथा एक्सर्पोटले स्कुटर र मोटरसाइकलको नयाँ मूल्यसूचि सार्वजनिक गरेको हो ।
कम्पनीको हाल नेपालमा १ वटा मात्र स्कुटर रहेको छ । ‘क्लासिक ह्वीलले इटालीका मोटो फमूर्ला १५०’ मा कम्पनीले १५ हजार बढाएर नयाँ मूल्य ३ लाख ३५ हजार रुपैयाँ पुर्याएको छ । यसअघि भने यसको मूल्य ३ लाख २० हजार रुपैयाँ रहेको थियो ।
यसका साथै नेपालमा उपलब्ध रहेका २ वटा मोटरसाइलको पनि कम्पनीले मूल्य बढाएको छ । कम्पनीले ‘इटालीका मोटो स्टलायन २५०’ मा ६० हजार बढाएर ६ लाख ४५ हजार पुर्याएको छ भने ‘इटालीका मोटो नेभाडा २५०’ मा ७० हजार मूल्य वृद्धि गरेर ६ लाख ६५ हजार पुर्याएको छ ।
