महानगरीय प्रहरी अपराध महाशाखाले भारतबाट भन्सार छली नेपाल भित्र्याइएका सातवटा बुलेट बाइक नियन्त्रणमा लिएको छ । महानगरीय अपराध महाशाखाको टोलीले काठमाडौँ उपत्यकाका विभिन्न क्षेत्रबाट ती मोटरसाइकल बरामद गरेको हो ।
विशेष सूचनाको आधारमा खटिएको प्रहरी टोलीले सात थान बुलेट बाइक बरामद गरेको हो । बरामद मोटरसाइकललाई आवश्यक कारवाहीका लागि त्रिभुवन अन्तर्राष्ट्रिय विमानस्थल भन्सार कार्यालय गौचरण पठाएको महाशाखाले जनाएको छ। सबै बाइकमा नक्कली नेपाली नम्बर राखिएको थियो।
