सुजुकी मोटरसाइकल इन्डियाले आज भारतमा एडभेन्चर बाइक ‘सुजुकी भी-स्ट्रोम एसएक्स २५०’ लन्च गरेको छ । कम्पनीले यो बाइक जिक्सर २५० को प्लेटफर्ममा तयार पारेको हो । यो बाइकको मूल्य भारतिय २.११ लाख तोकिएको छ ।
बाइले केटीएम २५० एडभेन्चर र बेनेली टीआरके २५१ सँग प्रतिस्पर्धा गर्ने जानकारहरु बताउँछन् ।
अन्तर्राष्ट्रिय बजारमा ‘सुजुकी भी-स्ट्रोम एसएक्स २५०’ को बिक्रि २०१७ देखि सुरु भएको हो । यसका थुप्रै सिरिजहरु अहिले बजारमा उपलब्ध रहेका छन् ।
यो बाइकमा २४९ सीसी सिंगल सिलिन्डरका साथ लिक्विड कुल्ड इन्जिन जडान गरिएको छ । यस इन्जिनबाट बाइकले २६.५ बीएचपी पावर र २२.२ न्यूटन मिटर टर्क उत्पादन गर्दछ । इन्जिन ६ स्पीड गियरबक्ससँग जोडिएको छ ।
बाइकको ह्यान्डलिङ र कन्ट्रोलहरू एडभेन्चर बाइक अनुसार रहेका छन् । बाइकमा फिक्स्ड एलईडी हेडलाइट, ट्रांसपेरेन्ट विन्डस्क्रिन, स्लिम टेल सेक्शन, ब्लुटुथ कनेक्टिभिटी एलईडी टेल लाइट, डुअल टोन बडी पेन्ट, स्प्लिट सिट र एलोय ह्वीलहरू रहेका छन् ।
यो बाइकमा पूरा रुपमा डिजिटल इन्स्ट्रुमेन्ट क्लस्टर जडान गरिएको छ । बाइकमा ब्रेकिङका लागि डुअल डिस्क ब्रेकसँगै डुअल च्यानल एबीएस पनि उपलब्ध रहेको छ ।
कम्पनीले यसलाई कालो, सुन्तला कलर र पहेलो गरि तिन कलरमा उपलब्ध गराउने छ ।
