जापनीज कम्पनी मारुती सुजुकीले अप्रिलको तेस्रो हप्तामा आफ्ना दुईवटा गाडीका अपडेटेड मोडलहरू सार्वजनिक गर्ने तयारी गरिरहेको छ । कम्पनीले ‘मारुती अर्टिगा फेसलिफ्ट २०२२’ र ‘मारुती एक्सएल-६ फेसलिफ्ट २०२२’ बजारमा ल्याउन लागेको हो ।
कम्पनीले यी गाडीहरूको लन्च मिति नखुलाए पनि एक्सएल-६ भने अप्रिल २१ मा लन्च हुने खबर बाहिरिएको छ ।
‘मारुति एक्सएल-६ २०२२’ को इन्जिन र पावर हालको मोडलको जस्तै रहेको छ । जसले १०३ बीएचपी र १३८ न्यूटन मिटर टर्क उत्पादन गर्दछ । एक्सएल-६ फेसलिफ्टको स्ट्यानडर भेरियन्टमा ५-स्पीड म्यानुअल गियरबक्सका साथै ६-स्पीड अटोमेटिक गियरबक्स र ४-स्पीड टर्क कन्भर्टर अटोमेटिक गियरबक्स रहेका छन् ।
यसमा एप्पल कारप्ले र एन्ड्रोइड अटो, वायरलेस फोन चार्जिङ, लेदर सिट, अटोमेटिक एयर कन्डिसनर जस्ता सुविधा हुने खबर बाहिर आएको छ ।
‘मारुति एक्सएल-६ २०२२’ अहिलेको मोडल भन्दा महँगो हुनेछ । नेपाली बजारमा अहिले ‘मारुती सुजुकी एक्सएल-६ जेटाको’ मूल्य ४७ लाख २९ हजार छ भने ‘मारुती सुजुकी एक्सएल-६ अल्फा’ को मूल्य ४८ लाख २९ हजार रहेको छ ।
यसका साथै सुजुकी कम्पनीले आफ्नो सीएनजी मोडल पनि बजारमा ल्याउने तयारी गरेको छ ।
