अहिलेको सस्तो आधुनिक बाइकमा पनि कम्पनीहरूले इन्जिन किल स्वीच दिइरहेका छन् । इन्जिन किल स्विच सामान्यतया मोटरसाइकलमा ह्यान्डलको दाहिने छेउमा राखिन्छ । यो एउटा सानो बटन हो जसलाई थिचेर इन्जिन बन्द गर्न सकिन्छ । यदि बाइकमा इन्जिन किल स्विच छ भने तपाईले इन्जिन बन्द गर्नको लागि बाइकको चाबी निकाल्नु पर्दैन र यसले इन्जिन बन्द र अन गर्ने प्रक्रियालाई सजिलो बनाउँछ । तर, यदि तपाईंले यसलाई राम्रोसँग प्रयोग गर्नुभएन भने, यसले बाइकको इन्जिनलाई पनि क्षति पुर्याउन सक्छ ।
गलत प्रयोग गरेमा बाइकको हालत यस्तो हुनेछ:
इन्जिन किल स्विचले बाइक चलाउन सजिलो बनाउँछ । यदि तपाइँ बाइक चलाउन सिक्दै हुनुहुन्छ भने त्यो समयमा यो किल स्विचले तपाइँलाई बाइक अन र अफ गर्न मद्दत गर्दछ। इन्जिन किल स्विचले बाइकको इग्निशन कोइलसँगको सम्पर्क काट्छ, जसले गर्दा इन्जिन बन्द हुन्छ । लगातार किलस्विच प्रयोग गर्दा बाइक वा इन्जिनलाई असर गर्दैन। तर, कतिपय अवस्थामा यसको गलत प्रयोगले बाइकलाई नोक्सान पर्याउन सक्छ ।
इन्जिन किल स्विच बारम्बार थिच्दा बाइकको कार्यसम्पादनमा असर पर्छ । चलिरहेको बाइकमा किल स्वीच थिचेर इन्जिन रोकियो भने यसले इन्जिनमा पनि असर गर्छ । यदि यो बारम्बार गरियो भने, इन्जिन स्टार्टर फेल हुन सक्छ र ब्याट्री पनि समय भन्दा पहिले नै समाप्त हुन सक्छ ।
यद्यपि यसो गर्दा बाइकमा तुरुन्तै असर पर्दैन, तर लामो समयपछि बाइकको प्रदर्शन घट्न थाल्छ र केही उपकरणहरू बिग्रन थाल्छ ।
कसरी किल स्विच प्रयोग गर्ने:
चलिरहेको बाइकमा इन्जिन किल स्विच प्रयोग नगर्नुहोस् । जब बाइक रोकिन्छ, स्विच थिचेर इन्जिन रोक्नुहोस् ।
आफ्नो औंलाले किल स्विच थिच्ने प्रयास गर्नुहोस् । यसले तपाईंलाई ह्यान्डलबाट आफ्नो हात नउठाएर इग्निशन बन्द गर्न अनुमति दिन्छ ।
मोटरसाइकल दुर्घटना हुँदा, इन्जिन किल स्विच थिचेर इग्निशन बन्द गर्न सकिन्छ र इन्जिन क्षतिबाट बच्न सकिन्छ ।
