जापनीज कम्पनी सुजुकीले नेपाली नयाँ वर्षलाई लक्षित गरेर नयाँ योजना ल्याएको छ । ‘सुजुकी ह्याप्पी न्यु कार’ नामकरण गर्दै सुजुकीको नेपालका लागि आधिकारिक वितरक सीजी मोटोकर्पले यो अफर सार्वजनिक गरेको हो ।
अफर अन्तर्गत ग्राहकले सुजुकीको गाडी किन्दा ४ लाखसम्मको छुट पाउन सक्दछन् । जसमध्ये ग्राहकले २ लाख रुपैयाँसम्मको नगद छुट, एक्सचेन्ज बोनसमा १ लाख २५ हजार रुपैयाँसम्म छुट, १ वर्षको सवारी बिमा र स्क्र्याच कार्ड मार्फत ७५ हजार सम्म अतिरिक्त छुट पाउने कम्पनीले जनाएको छ ।
ग्राहकले यो अफरको फाइदा नेपालभर रहेका सुजुकीका सोरुमबाट लिन सक्दछन् । हाल नेपालमा सुजुकीका ३८ सोरुम रहेको कम्पनीले जनाएको छ ।
नेपालमा अहिले सुजुकीका १३ मोडलका गाडीहरु उपलब्ध रहेका छन् ।
