मोटरसाइकल चलाउँदा हामी प्रायः यस्ता धेरै साना कुराहरूलाई बेवास्ता गर्छौं, जुन दुर्घटनाको ठूलो कारण बन्न सक्छ । दुर्घटना जुनसुकै बेला र जहाँ पनि हुन सक्छ। यस्तो अवस्थामा, तपाईंले आफ्नो सुरक्षामा सम्झौता गर्नु हुँदैन । यहाँ हामी तपाईलाई यस्ता आधारभूत कुराहरु बताइरहेका छौँ, जुन बाइक चलाउँदा याद गर्नै पर्छ ।
सर्टिफाइड हेलमेट:
अधिकांश बाइक सवारहरूले आफ्नो सुरक्षाको लागि भन्दा नि ट्राफिक जरिवानाबाट बच्न बढी हेलमेट लगाउने गर्दछन् । त्यसैले कुनै पनि सस्तो हेलमेट किन्ने गर्छन् तर त्यसो गर्दा घातक हुन सक्छ । बाइक चलाउँदा सधैं सर्टिफाइड हेलमेट लगाउनुहोस् । हेलमेट किन्दा राम्रो सामग्रीबाट बनेको र टाउकोमा राम्रोसँग फिट हुने कुरामा पनि ध्यान दिनुहोस् । हेलमेट किन्दा सधै आधिकारिक बिक्रेताबाट किन्नुहोस् ।
गतिलाई ध्यान राख्नुहोस्:
बाइकको गतिमा सधैं ध्यान राख्नुहोस् । आफ्नो बाइकको गति सडक र नियम अनुसार राख्नुहोस् । मोटरसाइकल चलाउँदा अलिकति पनि नजर बिर्सिए समस्यामा पर्न सक्छ ।
दुबै ब्रेक सही तरिकाले प्रयोग गर्न सिक्नुहोस्:
यदि दुबै ब्रेकको उचित प्रयोग गरेर आफ्नो बाइक रोक्न सक्षम हुनुहुन्छ भने, तपाईं एक राम्रो बाइकर हुनुहुन्छ । यो तपाइँको सुरक्षा को लागी पनि सही छ, त्यसैले दुबै ब्रेक सही तरिकाले कसरी प्रयोग गर्ने जान्नुहोस् ।
संकेतहरूको प्रयोग:
धेरैजसो मोटरसाइकल चालकले यस विषयमा लापरवाही गरेका छन् । कतै घुम्न वा रोकिन चाहानुहुन्छ भने समयमै जानकारी गराउनु होला । लेनमा अचानक आफ्नो दिशा परिवर्तन नगर्नुहोस् । आफ्नो अर्को चालको बारेमा ट्राफिकलाई सूचक दिनुहाेस् वा आवश्यक भएमा हातले बताउनुहोस् ।
राम्रो दूरी राख्नुहोस्:
आफ्नो अगाडि वा छेउमा रहेका सवारी साधनहरूबाट उपयुक्त दूरी राख्नुहोस् । यदि तपाईं ट्राफिक जाममा हुनुहुन्छ भने, आफ्नो वरपरको नजर राख्नुहोस् । कुनै पनि सवारी साधनको धेरै नजिक जाने प्रयास नगर्नुहोस् ।
ओभरटेक गर्न हतार नगर्नुहोस्:
तिव्र मोडमा धेरै दुर्घटना हुन्छन् । खासगरी ठूला सवारी साधनलाई ओभरटेक गर्दा हतारमा ओभरटेक नगर्नुहोस् । यदि अगाडि तिव्र मोड छ भने ओभरटेक गर्नाले तपाई खतरामा पर्नु हुनेछ ।
खराब मौसममा बाइकिङबाट बच्नुहोस्:
वर्षा वा हिउँमा बाइक सकेसम्म चलाउने नगर्नुहोस् । यस्तो मौसममा सडक चिप्लो हुने भएकाले दुर्घटनाको जोखिम बढ्छ । त्यसैले खराब माैसममा बाइकिङ नगर्नुहाेस् ।
ABS भएकाे बाइक:
ABS अर्थात् एन्टि-लक ब्रेकिङ सिस्टमले कहिलेकाहीँ दुर्घटनाबाट बच्न मद्दत गर्छ । ABS भएकाे बाइक मात्र किन्न प्रयास गर्नुहोस् । अब यो सुविधा सस्तो बाइकमा पनि उपलब्ध छ । १२५ सीसी वा सोभन्दा माथिका बाइकका लागि ABS र १२५ सीसीभन्दा कम क्षमताका बाइकका लागि CBS अनिवार्य हुनेछ । यस कारणले गर्दा, आफ्नो पैसा ABS वा CBS भएका बाइकहरूमा मात्र लगानी गर्नुहोस् ।
