नयाँ मोटरसाइकल किन्नु भनेको केवल सवारी साधन किन्नु मात्रै होइन, बरु नयाँ कुराका लागि सचेत हुनु पनि हो । कसैले नयाँ मोटरसाइकल किन्ने बित्तिकै त्यसका बारेमा सबै कुरा थाहा पाइसकेको हुन्छ भन्ने हुदैन । मोटरसाइकलका कतिपय कुराहरु थाहा नपाएर वा कतिपय कुराहरु हेलचेक्राइ गरेर पनि बिगारिन सकिन्छ । यस्तोमा नयाँ मोटरसाइकल किने के गर्नु हुन्छ ? के गर्नु हुदैन ? भन्ने जानकारी उपयोगी हुन सक्छ ।
यहाँ हामी त्यस्तै टिप्सहरु दिदैछौँ, जसले गर्दा नयाँ मोटरसाइकल किन्नेहरुले सावधानी अपनाएर आफ्नो मोटरसाइकलको आयू लामो बनाउन सक्छन् । यसरी होसियारी अपनाउँदा मर्मत सम्भार खर्च पनि घटेर आर्थिक लाभ हुन सक्छ ।
नयाँ मोटरसाइकल किने पछि गर्नु पर्ने कुराहरु
१. कम्पनीले तोकिए अनुसारको समयमा सर्भिसिङ गर्नुहोस् । सर्भिसिङ गराउन ढिला नगर्नुहोस् । मोटरसाइक सर्भिसिङ गराउनका लागि उपयुक्त अवधि पहिलो महिना, तेस्रो महिना, छैटौँ महिना र एक बर्ष सहि हुन सक्छन् तर तपाईको मोटरसाइकल अत्याधिक प्रयोग हुन्छ भने त्यो भन्दा अगाडि नै सर्भिसिङ गराउँदा राम्रो हुन्छ ।
२. मोटरसाइकललाई तोकिएको सर्भिस सेन्टरमा बनाउने वा सर्भिसिङ गर्ने गराउनुहोस् । नयाँ मोटरसाइकलहरुमा केहि अवधिसम्म सित्तैमा सर्भिसिङ गराउने अफरहरु पनि हुन सक्छन् ।
३. नयाँ मोटरसाइकल किनेको पहिलो महिनासम्म आरपिएम पनि सन्तुलन गर्नु पर्छ । यसले गर्दा मोटरसाइकलको पर्फर्मेन्स पछिसम्म राम्रो हुन्छ ।
४. निश्चित र कम गतिमा दौडाउनुहोस् ।
५. हरेक दिन स्टार्ट गर्नुहोस् र केहि किलोमिटर कुदाउने गर्नुहोस् । यसले गर्दा ब्याट्री राम्ररी चार्ज हुन पाउँछ भने अन्य पार्टहरु पनि मज्जाले चल्न र तपाईले बुझ्न पाउनु हुनेछ ।
नयाँ मोटरसाइकल किने पछि गर्नु नहुने कुराहरु
१. पहिलो महिना जोसुकैलाई जथाभावी कुदाउन नदिनुहोस् । अरुलाई कुदाउन दिएका कारण सुरुमै क्लच वा ब्रेकहरु बिग्रिएका धेरै उदाहरणहरु हुन्छन् ।
२. जतासुकै र मनलाग्दी तरिकाले बाइक बनाउने वा सर्भिसिङ गर्ने नगर्नुहोस् ।
३. नयाँ बाइकमा अनाधिकृत पार्टस वा तेलहरुको पनि प्रयोग नगर्नुहोस् ।
४. तिव्र गतिमा बाइक नदौडाउनुहोस् । बढिमा ५० किलोमिटर प्रतिघण्टा मात्रै दौडाउने निश्चित गर्नुहोस् । यो भन्दा बढि गतिमा दौडाउनु हुन्छ भने मोटरसाइकलको इन्जिन बिगार्दै हुनुहुन्छ ।
५. मोटरसाइकलको अवस्था कस्तो हुनेछ भन्ने कुराको निश्चितता तपाईले तेस्रो महिनासम्म कसरी चलाउनु हुन्छ भन्ने कुराले धेरै असर पार्छ । यसैले यो अवधिमा हेलचेक्राइ नगर्नुहोस् ।
