जापानीज ब्रान्ड मध्येको एक हो सुजुकी ब्रान्ड । विगत लामो समयदेखि नेपालमा सुजुकी ब्रान्डका स्कुटर तथा मोटरसाइकल बिक्री हुँदै आएको छ । सुजुकीका मोटरसाइकल तथा स्कुटरमा भएका विशेषताहरूका कारण नेपाली उपभोक्ताको रोजाइमा यी पर्ने गरेको छ । सुजुकीले प्रिमियम स्कुटरको खोजीमा रहेका उपभोक्ताहरूको आवश्यकता पूरा गर्न १२५ सिसी इन्जिन क्षमताको एभिनिस सार्वजनिक गर्न लागेको हो ।
विगतकाे समय दुइ दुईपांग्रे सवारीमा स्कुटरको हिस्सा निक्कै कम हुने गरेको थियो । अहिले स्कुटरको हिस्सा बढ्दै गएको छ । विगतमा स्कुटर महिलाले खरिद गर्ने अथवा चलाउँछन् भन्ने खालका धारणा थियो । तर स्कुटरमा समावेश विशेषता, पावर, युनिसेक्स डिजाइनहरूका कारण हरेक व्यक्ति स्कुटर प्रति आकर्षित देखिन्छन् ।
अहिले स्कुटरलाई उत्पादक कम्पनीहरूले नै ‘युनिसेक्स’ सवारीका रुपमा ब्रन्डिङ गर्दै आएको छ। त्यसैले पछिल्लो समय स्कुटर चढ्नेहरूको संख्या नेपालमा पनि बढ्दै गएको तथ्यांक छ।
यसमा पनि प्रिमियम सेगमेन्टका स्कुटर खोज्ने उपभोक्ताको संख्या बढ्दै गएको छ। त्यसैलाई मध्यनजर गर्दै सुजुकीले समेत नयाँ मोडलको ‘सुजुकी एभिनिस’ स्कुटर ल्याउने भएको हो ।
