नयाँ वर्षलाई लक्षित गरेर नेपाल जनरल मार्केटिङ प्रालिले एक्सपल्स २०० को फोर भी नेपाली बजारमा ल्याउने भएको छ । चैत्र १८ गते देखि फोर भीको विक्री सुरु हुने कम्पनीले जनाएको छ ।
कम्पनीले अहिलेसम्म यसको नेपाली मूल्य कति भनेर आधिकारिक रुपमा निर्धारण गरेको छैन् । तर यो नयाँ मोडलको मूल्य ४ लाख ७५ हजार रुपैयाँ तोकेर विक्री सुरु गर्ने हिरोका डिलरहरुले बताएका छन् । यसको लागि डिलरहरुले बुकिङ पनि लिन थालिसकेका छन् । ग्राहकले १० हजार रुपैयाँ तिरेर बाइक बुकिङ गर्न सक्दछन् ।
गतवर्ष वर्ष अक्टोबरमा लन्च गरिएको हिरोको एन्ट्री एडभेन्चर बाइक ‘एक्स-पल्स २०० फो भि’ ले यसअघी २०२२ को ‘कार एण्ड बाइक’ अर्वाडमा केही उपाधि जित्न सफल भएको थियो । यो मोटरसाइकलले ‘एडभेन्चर मोटरसाइकल अफ द इयर’ को साथै प्रतिष्ठित ‘दुई पाङ्ग्रे बाइक अफ द इयर’ अर्वाड जितेको हो।
यो एडभेन्चर बाइक फोर-भल्भ प्रति सिलिन्डर टेक्नोलोजीमा आधारित रहेको छ। यसअघी बाइकमा साधारण दुई भल्भ सेटअप गरिएको थियो। बाइकलाई अझ राम्रो बानउन परिमार्जित इन्जिन कूलिङ प्रणाली र संशोधित गियर अपग्रेड गरिएको छ।
