सवारी चालक अनुमतिपत्र ‘लाइसेन्स’ लिन सर्वसाधरणले लामो समय कुर्नुपर्ने हुन्थ्यो । अब भने यातायात व्यवस्था विभाग, आवेदक दिएको १ महिना भित्रमै अनुमतिपत्र लिन मिल्ने प्रणालीको विकासमा निरन्तर लागिरहेको छ ।
यदि आवेदकको काम १ महिना भन्दा बढी समय लाग्ने देखियो भने उक्त प्रणालीले आवेदन लिने छैन् । यसका साथै देशभरका २४ सेवा कार्यालयको क्षमता १५ हजार पुर्याउने लक्ष्य लिई विभागले प्रणाली विकास गर्न लागेको हो । हाल भने कार्यालयको क्षमता ६ हजार सात सय रहेको छ ।
यो प्रणाली कम्प्युटर प्रणालीमा आवेदकको संख्या धेरै तर सम्पर्क आउने सेवाग्राहीको संख्या एकदमै कम भएकाले लाइसेन्स लिन चाहने सेवाग्राहीका लागि मात्र रहेको कार्यालयले जनाएको छ । साथै कार्यालयले जेठ महिना भित्र बाँकी ५ लाख ७२ हजार सवारी चालक अनुमतिपत्र वितरण गरी सक्ने र त्यसपछिका सेवाग्राहीले एक महिनाभित्रै स्मार्ट सवारी चालक अनुमतिपत्र दिने अठोट लिएको छ ।
परीक्षामा सहभागी कम भएका हुनाले विभागले १ देखि १४ दिनका आवेदकलाई १ कै दिनमा ट्रायल दिने व्यवस्था गर्नेछ ।
