ललितपुर प्रहरीले कुसुन्तीको रजिष्टर विचौलियाको हातबाट बरामद गरेको छ । महानगरीय प्रहरी परिसर, ललितपुरले यातायात कार्यालयमा ठगीको अनुसन्धान गर्ने क्रममा विचौलियाको साथबाट कार्यालयको सवारी दर्ता किताब बरामद गरेको हो ।
प्रहरीले विचौलियालाई आइतबार शंखमुलबाट यातायात कार्यालयको रजिष्टरसहित प्रकाउ गरेको थियो । उनलाई ८ लाख ५० हजार रुपैयाँ ठगीको उजुरी रहेको छ। प्रहरीका अनुसार उनले कार बिक्रि गरिदिन्छु भनेेर पैसा लिएर गाडी नदिएपछि उनीविरुद्ध ठगीको उजुरी परेको थियो । उनले पीडितको नाममा सारिएको ब्लू बुक दिए तापनि गाडी दिएका थिएनन् ।’
प्रहरीका अनुसार उनिसँग भेटिएको २ रजिष्टर मध्य एकमा ११०९ र १६९० नम्बर लेखिएको छ भने अर्कोमा ४५४० देखि ४६७९ सम्म २६ च लेखिएको छ ।
यातायात कार्यालयको जिष्टर कहाँबाट विचौलियाको हातमा आयो भन्ने विषयमा अनुसन्धान गर्ने ललितपुर प्रहरीका एसपी सिद्धिविक्रम शाहले बताए ।
