रोयल इन्फिल्ड राइडरको ‘काठमाडौं- हलेसी’ राइड हुने भएको छ । एकआपसमा भाईचारा र सम्बन्ध अझै प्रगाड बनाउने उद्देश्यका साथ जिरो इन्जिनियरिङले राइड कार्यक्रम आयोजना गरेको हो ।
आज शुक्रबार काठमाडौं स्थित धुमबाराहीबाट सुरु भएको राइड खुर्कोट, घुर्मी हुँदै हलेसी (२२२ किलोमिटर) पुगेर भोलि शनिबार काठमाडौं फर्किने योजना छ ।
करिब ८० को हाराहारीमा रहेका राइडर सबैको रोयल इन्फिल्ड मोटरसाइकल रहेको छ । कम्पनीले राइडरको लागि २ दिन १ रातको खाना र बस्नको सुविधा प्रदान गरेको छ । यसका साथै राइडको समयमा बाइकमा केहि समस्या आए कम्पनीले मेकानिक सर्पोट पनि दिनेछ । यो राइडले सिन्धुलीमा रहेको गतिशील माध्यमिक विद्यालयलाई केहि सहयोग पनि गर्नेछ ।
जिरो इन्जिनियरिङ रोयल इन्फिल्ड बाइकको आधिकारिक सर्भिस सेन्टर हो । यसले आफ्ना ग्राहकहरुलाई लामो समयदेखि गुणस्तर सेवा दिदैँ आईरहेको छ ।
