भारतीय अटोमोवाइल कम्पनी महिन्द्रा एण्ड महिन्द्राका तीन मोडलका नयाँ विद्युतिय कार आउने भएको छ । यसै बर्षको जुलाईमा आफ्ना तीन प्रकारका नयाँ विद्युतिय कारहरुको कन्सेप्ट सार्वजनिक गर्ने भारतीय अटोमोवाइल कम्पनी महिन्द्रा एण्ड महिन्द्राले जनाएको हो ।
आफ्नो नयाँ तीन मोडलका एसयूभी एकै साथ देखाउने तयारी गरेको महिन्द्राले नयाँ गाडीमा रहने ड्यासबोर्डको भिडियो सार्वजनिक गरेको छ । नयाँ कन्सेप्टको इभीमा टु स्पोक अक्टागनल सेपको स्टेरिङ ह्वील देखिन्छ । मल्टीफङ्सन यूनिटका स्विचहरु देख्न सकिन्छ । यी सबै मोडलहरु विद्युतिय प्लेटफर्ममा रहने भएकाले डिजाइन फ्यूचरिस्टिक छन् ।
महिन्द्राको यी नयाँ इभीहरु कम्पनीको यूकेमा रहेको ग्लोबल डिजाइन सेन्टर महिन्द्रा एड्भान्स डिजाइन सेन्टर यूरोपमा डिजाइन भइरहेका छन् । आगामी जुलाईमा यी तीनवटा डिजाइनको कन्सेप्ट सार्वजनिक गरिने भए पनि बजारमा आउन भने सन् २०२५ सम्म लाग्ने छ ।
