यातायात व्यवस्था कार्यालय कास्कीमा घुसमागी गरेको आरोपमा ९ जना विरुद्ध मुद्दा दायर भएको छ । परिक्षामा संलग्नता नजाएका र फेल भएकालाई पास गराउने ९ जना विरुद्ध अख्तियार दुरुपयोग अनुसन्धान आयोगले मुद्दा दायर गरेको हो । यसका साथै पास भएकालाई फेल बनाएको आरोप लागेको छ ।
उनिहरुले नतिजा अपडेट गर्ने क्रममा ड्राइभिङ लाइसेन्समा पास भएका २ जनालाई फेल गराएर ११८ जनाको नतिजा परिवर्तन गरेको फेला परेको छ । २०७५ साल मङ्सिर र २०७६ साल साउनदेखि मङ्सिर महिनामा सञ्चालन भएको ट्रायल परिक्षामा उपस्थित नभएका र विभिन्न मितिमा फेल भएका ११६ जनालाई पास गरिएको पाइएको छ।
यातायात व्यवस्था कार्यालय कास्कीका तत्कालीन निमित्त कार्यालय प्रमुख, शाखा अधिकृत गोकुल शर्मा पौडेल, शाखा अधिकृत हरिप्रसाद गौतम, अधिकृतस्तर आठौँ तहका भरतराज काफ्ले र भरतमणि बराल माथि मुद्दा दायर भएको छ। यसका साथै, धिकृतस्तर सातौँ तहका प्रेमप्रसाद श्रेष्ठ, अधिकृतस्तर छैटौँ तहका डिल्लीराम बराल, कम्प्युटर अधिकृत छैटौँ तहका होमनाथ शर्मा, कम्प्युटर अपरेटर झलक पौडेल र कम्प्युटर अपरेटर मोहनमणि सुवेदी विरुद्ध मुद्दा दायर भएको हो ।
