आफू चढ्ने मोटरसाइकल र गाडीको नम्बर प्लेटमा नम्बर कसरी लेख्नुभएको छ ? यातायात व्यवस्था विभागले तोकिए बमोजिम लेख्नु भएको छैन भने तपाईं कारबाहीमा पर्न सक्नुहुन्छ । विभागले केहि समय अगाडी सूचना जारी गर्दै प्रदेश नम्बरसहितको नम्बर प्लेट भएका अधिकांशले गलत तरिकाले नम्बर प्लेट राखेको बताएको छ ।
विभागका अनुसार सवारीको अगाडिको प्लेटमा तल र माथि गरी दुई लाइनमा र पछाडिको प्लेटमा ३ लाइनमा नम्बर प्लेटमा लेख्नुपर्ने छ ।
यो मापदण्ड अञ्चलको नाममा दर्ता भएका सवारी साधनलाई भने लागू हुने छैन । गत वर्ष दशैं अगाडि मोटरसाइकलको लागि बागमती अञ्चलमा ९९ अंकको नम्बर सकिएको थियो । त्यसपछि मन्त्रिपरिषदले देश संघीयतामा गइसकेकोले अञ्चलमा अंक थप्नुको सट्टा प्रदेशको नाममा दर्ता गर्ने निर्णय गरेको थियो ।
कसरी लेख्ने त नम्बर ?
विभागले नम्बर लेख्ने तरिका पनि सुझाएको छ ।
अगाडिको नम्बर प्लेट (दुई लाइनमा)
प्रदेश ३-०२
००२ प ३२३६
पछाडिको नम्बर प्लेट (तीन लाइनमा)
प्रदेश ३-०२
००२ प
३२३६
