काठमाडौं । भारतको प्रतिष्ठित अवार्ड, इन्डियन मोटरसाइकल अफ दि इयर उपाधि टीभीएस रेडर १२५ ले पाउन सफल भएको छ । प्रतिष्पर्धाको मनोनयनमा परेका अन्य ५ मोटरसाइकललाई पछि पार्दै टीभीएस रेडारले उपाधि हात पार्न सफल भएको कम्पनीले जनाएको छ ।
१४ सदस्यीय निर्णायक मण्डलबाट छनौट तथा निर्णय हुने गरि प्रतियोगिता आयोजना गरिएको थियो । निर्णायक मण्डलका सदस्यहरुमा अटो टुडेका एसोसिएट एडिटर राहुल घोष, अटो टूडेका सिनियर स्पेशल करेस्पोन्डेन्ट दिप्यन दत्ता, अटोएक्सका रोड टेष्ट एडिटर शिवांक भट्ट लगायत सम्मिलित रहेका थिए । जुरीको निर्णय अनुसार ‘इन्डियन मोटरसाइकल अफ दि इयर’को उपाधि टीभीएस रेडर १२५ लाई दिएको थियो ।
‘निर्णायक मण्डलीका सदस्यहरुको विशेषज्ञाले पूर्ण प्रमाणिकरण प्रदान गर्ने हुँदा आईएमओटीवाई सवारी साधन उद्योगमै सर्वाधिक प्रतिष्ठित अवार्डका रुपमा स्थापित छ । टीभीएस रेडरलाई यस्तो प्रतिष्ठित अवार्डद्वारा सम्मानित गरिँदा हामी निकै गौरवान्वित छौँ भन्दै अवार्ड समारोहमा उपाधि ग्रहण गर्दै टीभीएस मोटर्सका वरिष्ठ उपाध्यक्ष मार्केटिङ अनिरुढ हल्दारले टीभीएस रेडरले उपभोक्ताहरुको मायाकै कारण यस्तो प्रतिष्ठित अवार्ड हात पार्न सफल भएको बताएका थिए ।
टीभीएस रेडर १२५, आफ्नो आकर्षक डिजाइन, अत्याधुनिक प्रविधि, इन्धन मितव्ययीता, उत्कृष्ट कार्य सम्पादन क्षमता र भारतीय महाद्विपीय सवारी अवस्थाहरुमा स्थिरताका लागि परिचित छ । साथै, यस वर्ष टीभीएस रेडरले भारतीय बजारमा दुई पांग्रे सवारी साधनको श्रेणीमै सर्वाधिक बिक्रीसहित अग्रता हात पार्न सफल भएको कम्पनीले जनाएको छ ।
यो मोटरसाइकलले शून्यदेखि ६० किलो मिटर प्रति घण्टाको गति जम्मा ५.९ सेकेण्डमा प्राप्त गर्ने क्षमता बोकेको छ । भारतीय बजारमा आईएमओटीवाई अवार्डबाट सम्मानित यो बाइक नेपाल भर रहेका टीभीएस शोरुमहरु मार्फत सहजै उपलब्ध रहेको छ । मितव्ययी मूल्यमा अत्याधुनिक फिचर सुसज्जित टीभीएस रेडरले नेपालमा पनि उत्तिकै लोकप्रियता पाइरहेको कम्पनीले जनाएको छ । जगदम्बा मोटर्सले सन् २०२१ को नोभेम्बरमा सार्वजनिक गरिएको यो बाइक युवाहरु माझ अत्यधिक लोकप्रिय छ र नेपालमा पनि उल्लेखनीय संख्यामा बिक्री भइरहेको छ ।
