ग्राहकलाई युरोपियन शैलीको सर्भिस वितरण गर्न स्कोडाले सितापाइलामा सर्भिस सेन्टर खोलेको छ। यसले ग्राहकलाई युरोपियन क्लासको अनुभव गराउनुका साथै सहजता पनि दिने स्कोडाको नेपालका लागि आधिकारिक विक्रेता एमएडब्लु स्कोडाले जनाएको छ। अर्थोपेडिक डा. चक्रराज पाण्डे र कलाकार अनुप विक्रम शाहीले सोमबार (फागुन ३० गते ) सर्भिस सेन्टरको उद्घाटन गरेका थिए।
ग्राहकको समयलाई मध्यनजर गरेर दुईवटा पोस्ट लिफ्ट र इन्डिभिज्युअल टुलसेट सहितको १४ वटा बे राखिएको छ। १५ हजार वर्ग फिटमा फैलिएको यो सर्भिस सेन्टरमा ‘इन हाउस’ टेस्ट ड्राइभ ट्र्याक र स्पेयर्स पार्ट्सको लागि वेयर हाउसको सुविधा पनि रहेको छ। यो सुविधाले कुनैपनि ड्राइभिङसँग सम्बन्धित समस्याको पहिचान गर्दछ। यो नयाँ ‘स्टेट–अफ–द–आर्ट’ सर्भिस सेन्टरको निर्माण स्कोडाको नयाँ ‘कर्पोरेट आइडेन्टीटी’ र डिजाइनमा गरिएको हो ।
अहिले नेपालका विभिन्न ९ सहरमा स्कोडाको सर्भिस सेन्टर रहेको छ। यसलाई अझै नेपालको कुनाकुना पुर्याउने नेपालका कार्यकारी निर्देशक रौनक अग्रवालले बताए। यसलाई अझै अपग्रेड गर्दै ग्राहकलाई थप सुविधा दिन हामी दिन प्रति दिन लागिरहेका छौ, उनले थपे।
